ஐந்து கரத்தனை ஆனை முகத்தனை
இந்தின் இளம்பிறை போலும் எயிற்றனை
நந்தி மகன் தனை ஞாநக்கொழுந்தினை
புந்தியில் வைத்து அடி போற்றுகின்றேனே.
கணபதி என்றிட கலங்கும் வல்வினை என்று கூறினால் மிகையாகாது. அனைத்துக்கும் முதல்வனான அந்த ஓம்கார கணபதியை வணங்கி என் சைவ திருதொண்டை துவங்குகிறேன்.
சைவ திருமுறைகளில் பத்தாம் திருமுறையாக அமைந்திருக்கும் திருமூலர் அருளிய திருமந்திரத்தில் விநாயகர் காப்பாக இடம் பெற்றிருக்கும் இந்த பாடல் தான் என் குழந்தை பருவத்தில் நான் முதலில் கற்ற பாடல்.
ஐந்து கரங்களை உடையவனும், ஆனை முகத்தைக் கொண்டவனும், சந்திரனின் இளமையான பிறையைப் போன்ற தந்தங்களை கொண்டவனும், சிவனுக்கு மகனாகவும், ஞானத்தின் உச்சநிலையாக உள்ளவனுமாகிய முழுமுதற் கடவுளாகிய விநாயகப் பெருமானை உள்ளத்தில் வைத்து அவரது திருவடிகளை போற்றுகிறேன்.
கருத்துகள் இல்லை:
கருத்துரையிடுக